ဘာမှမတင်ဖြစ်တာတောင် ကြာနေပြီ။ ဒီနေ့မနက်မှ Group တစ်ခုထဲမှာ Photoshop 2023 မှာ ပြည်ထောင်စုဖောင့် မမှန်လို့(အဆင်မပြေလို့) ဘယ်လိုလုပ်ရမလဲမေးထားတာတွေ့တာနဲ့ ကိုယ်သွင်းထားတဲ့ Photoshop & Indesign 2023 ၂ ခုမှာ သွားစမ်းကြည့်မိမှ Adobe Photoshop & Indesign 2023 Product တွေမှာ မြန်မာစာကို တရားဝင်ထောက်ပံ့ပေးလိုက်ပြီဆိုတာသိရတယ်။ အရင်ကရတယ်ဆိုတာက ဝင်ပြင်ပေးရသေးတာတွေရှိနေပေမယ့် အခုကတော့ ကိုယ်ရေးချင်တဲ့ဖောင့်ပြောင်းပြီးရေးလိုက်ရုံပါပဲ ဘာမှလုပ်စရာမလိုတော့ဘူး အတော်လေးကောင်းသွားတယ်။ အသေးစိတ်ကို ဒီမှာ ဝင်ဖတ်ကြည့်လို့ရပါတယ်။

Office 365 ကို အခုမှစပြီး သုံးဖူးတာမှာ အတော်လေး သဘောကျစရာကောင်းတာကို တွေ့ရတယ်။ ပြောရရင် Cloud Storage 1Tb ရတာ၊ Power Automate သုံးလို့ရသွားတာ၊ တခြား Office 365 မှာပဲသုံးလို့ရတဲ့ Feature တွေလဲရှိသေးတယ် အကုန်မစမ်းနိုင်သေးဘူး။ အထူးသဖြင့်တော့ ခိုးသုံးနေရာတာ မဟုတ်တော့ဘူးဆိုတဲ့ ခံစားချက်က အတော်လေးကောင်းတာပဲ 🤭။ ဝယ်သုံးတယ်လို့တော့ မထင်ကြစေလို့ဘူး Developer Preview လိုဟာကိုလျှောက်ပြီး သုံးနေတာပါ အခန့်မသင့်ရင် အချိန်မရွေးပျက်နိုင်ခြေရှိသလို မပျက်ချင်လဲ မပျက်ဖူးပေါ့လေ။ စမ်းချင်တယ်ဆိုရင်တော့ YouTube မှာဖြစ်ဖြစ်ရှာကြည့်လို့ရပါတယ် သိပ်လဲမခက်ပါဘူး။ Crack သုံးတာထက်စာရင်တော့ အခုလိုသုံးတာက ပိုပြီးကောင်းတယ်လို့ ထင်မိပါတယ်။ 

အခု Post ကိုလဲ Twitter ဆီကို Power Automate သုံးပြီးတင်တာကို စမ်းကြည့်ထားတာပါ။ (အဆင်မပြေဘူး ဘာလိုနေတာလဲမသိ Post ကိုတင်မသွားဘူး)

တလောကစမ်းသုံးတုန်းက ပြည်ထောင်စုဖောင့်က Render မမှန်ဖြစ်နေတာပါ (ဒီမှာ သွားကြည့်ကြည့်ပါ) အခုတော့ Render လဲမှန်သွားသလို အဆင်ပြေသွားပါပြီ တစ်ခုပဲ Center Text လုပ်ရတာ အဆင်သိပ်မပြေပါဘူး။ ကျနော်အခုစမ်းထားတာက Excel version (16.64) နဲ့ macOS Monterey 1.5.1 မှာ စမ်းထားတာပါ။ Myanmar Text, Noto Sans Myanmar တို့ကတော့ အဆင်ပြေပါတယ် ဒါပေမယ့် အဲ့ဖောင့်တွေက စာရိုက်ချိန်မှာ Formula Bar မှာပဲအမှန်မြင်ရပြီး Text Box ထဲမှာတော့ Enter ရိုက်လိုက်မှ မှန်သွားတာပါ။ ကျနော်စမ်းပြထားတဲ့ Video လေးကိုကြည့်ကြည့်ပါ။

အစကတော့ မသိပါဘူး macOS မှာ မြန်မာလက်ကွက်ထောက်ပံ့နေပြီဆိုတော့ အဆင်ပြေနေပြီလို့ပဲထင်နေတာ။ ဒီနေ့မှ သိတာ macOS ပေါ်က Excel မှာ Unicode Render အခုထိမမှန်သေးဘူးဖြစ်နေတယ်။ ဖြေရှင်းနည်းတွေလိုက်ဖတ်ကြည့်လိုက်တော့ အရမ်းတော့မခက်ပါဘူး အဓိကကတော့ Apple ရဲ့ဖောင့်ဖြစ်တဲ့ Myanmar MN, Myanmar Sangam MN အဲ့ဒီဖောင့် ၂ ခုကိုသုံးရင်အဆင်ပြေတယ်။ တခြားဖောင့်ကတော့ Masterpiece Uni Round, Pyidaung Book (ကျနော်စက်မှာတော့ အဆင်မပြေ) ဖောင့်ကို သုံးရင်လဲရပါတယ်။

Pyidaungsu Book နဲ့ဆို Render Error ဖြစ်နေတာပါ (တခြားဖောင့်တွေလဲအတူတူပါပဲ)

Myanmar Sangam MN/ Myanmar MN အဲ့ဒီဖောင့်တွေနဲ့ဆိုရင် အခုလိုပဲ အဆင်ပြေပါတယ်

စက်အသစ်ဝယ်ပြီးတော့ ဆိုင်က (တကယ်က မူလကတည်းက Windows 11 Home Version Official ပါတာ) User Name ကို User လို့ပဲပေးထည့်လိုက်တာ အတော်လေးအဆင်မပြေဘူး။ အကောင့်တွေဘာတွေ အကုန်ပြန်ဝင်ပြီးချိန်မှသိတော့ User အသစ်လဲထပ်မဖွင့်ချင်တော့တာနဲ့ ပြောင်းနည်းရှာပြီး ပြောင်းလိုက်ရော အဲ့ဒီမှာက အကုန်အဆင်ပြေတယ်။ မပြေတာက ဒီနေ့ Sketchup ဖွင့်ချိန်မှာ File patch တစ်ချို့လွဲနေတာတွေဖြစ်နေတယ် အဆိုးဆုံးက V Ray Material Library ကြီးသုံးလို့မရတော့တာပဲ The library cannot be download or update. Possibly because of missing permission. ဆိုတာပဲပြနေပြီး ဘာမှလုပ်မရဘူး။ လျှောက်ရှာကြည့်မှ ဖြေရှင်းထားတာတစ်ခုတွေ့တယ် တကယ်ကဘာမှမခက်ဖူး Sketchup ကိုဖွင့်ချိန်မှာ Run as Administrator နဲ့ဖွင့်လိုက်ရင်ရသွားရော😅။   

 Sketchup V Ray 5 ကထွက်တာလဲကြာပြီ ကျနော်စက်မှာတင်ထားတာလဲ အတော်ကြာနေပြီ ဒါပေမယ့် တစ်ခါမှ ကောင်းကောင်းမသုံးဖြစ် မစမ်းဖြစ်သေးဘူး။ နိုင်ငံရေးအခြေအနေ စိတ်အခြေအနေနဲ့ အရင်လို လျှောက်စမ်းဖို့ မလုပ်ဖြစ်တာကြာနေပြီ။ မနေ့ကမှ စိတ်ကူးပေါက်တာနဲ့ YouTube ကြည့်ပြီး စမ်းကြည့်ပြီဆိုမှ  V Ray 5 ရဲ့ Chaos Cosmos Library ကအတော်လေး မိုက်တာပဲ။ 3D Model တွေအရမ်းမများသေးဘူးဆိုပေမယ့် ရှိတာတွေအကုန်က V Ray Ready ဆိုတော့ သုံးမရတာတစ်ခုမှမရှိဘူး အကုန်သုံးလို့ရတယ်။ စက်မလေးအောင် 3D View မှာဆိုရင် ဘာ Detail မှမမြင်ရဘူး အပင်ဆိုလဲ အပင်မှန်းသိတယ်ဆိုယုံလေးပဲ Render လုပ်မှ Detail မြင်ရတာ တော်တော်လေး မိုက်တယ်။ Chaos Cosmos Library ထဲမှာပါတာတွေကတော့ 3D Model, Materials and HDRIs တွေပါပါတယ်။ အရမ်းကြီးမများသေးပေမယ့်လဲ အတော်လေးစုံတယ်ပြောရမှာပါ။ 3D Warehouse ထက်တော့ သာပါတယ်။

Chaos Cosmos Library ကိုသုံးဖို့အတွက်ကတော့ Chaos Account တော့ရှိရမယ် Account Sing in လုပ်ပြီးမှ သုံးလို့ရတယ်။ တစ်ခုကောင်းတာက V Ray ကို Crack သုံးနေရင်တောင်မှ Chaos Cosmos Library ကိုသုံးလို့ရပါတယ်။ အဲ့အတွက် ကျေးဇူးလဲတင်ရ အားလဲနာရပါတယ်။