Proton Mail အကြောင်းသိနေတာတော့ ၆ လလောက်ရှိနေပြီ။ အကောင့်ဖွင့်လိုက်တယ် သုံးကြည့်တယ်အဲ့လောက်ပဲ ဘာမှထူးမလာဘူး။ Gmail ထက်ပိုပြီလုံခြုံတယ် စိတ်ချရတယ်လို့တော့သိထားတယ် အဲ့ဒီလောက်ပဲ။ အကောင့်ဖွင့်လိုက်ရင် Storage အနေနဲ့ 500 Mb ရတယ် တကယ်လုပ်ငန်းသုံးချင်ရင်တော့ ဘာမှမပြောပလောက်တဲ့ ပမာဏပဲ အဲ့ထက်ပိုပြီးလိုချင်ရင်တော့ဝယ်သုံးမှ ရမယ်။ သုံးဖို့အတွက် UI ကလဲ အရမ်းကြီးရှုပ်မနေပါဘူး ပုံမှန် Mail Client တခုလိုပါပဲ ရိုးရိုးရှင်းရှင်းနဲ့ သုံးရတာ လွယ်ပါတယ်။ ပြီးရင် သူကနေပေးထားတဲ့ VPN Services ရှိပါတယ်။ အဲ့ဒါကိုသုံးဖို့က Proton Mail တစ်ခုလိုပါတယ်။ VPN မှာလဲ Free ပေးသုံးတာရယ် ရောင်းတာရယ်ဆိုပြီး ရှိပါသေးတယ် ရောင်းတာနဲ့ ဘာကွာလဲဆိုတော့ Free ပေးသုံးတာမှာ အကောင့်တစ်ခုကို စက်တစ်လုံးမှာပဲသုံးလို့ရမှာပါ၊ Connection Speed ကတော့ Medium ပဲရပါမယ် (Medium သာပြောတာပုံမှန်လိုင်းတက်သလိုကိုတက်ပါတယ် အိမ်မှာ 20Mbps ယူထားတာ Download လုပ်ရင် 3MB/s တက်ပါတယ် အခု VPN ခံထားတာတောင် အဲ့ဒီ Speed ကိုရနေတုန်းပါပဲ) ၊ နေရာ ၃ ခုပဲရွေးစရာရှိပါတယ် (အမေရိကန်၊ ဂျပန်၊ နယ်သာလန်) ဆိုတော့ Free VPN တစ်ခုအနေနဲ့တော့ အတော်လေးမဆိုးလှပါဘူး။ အကောင့်ဖွင့်တာကလဲ ဘာမှမခက်လှတဲ့အတွက် အသေးစိတ်တွေတော့ရေးပြ မနေတော့ပါဘူး။ VPN အတွက် https://protonvpn.com/ မှာဝင်ပြီးလေ့လာကြည့်လိုက်ပါ။ Email အတွက်ဆိုရင်တော့ https://protonmail.com/ ကိုသွားရမှာပါ ဘယ်ကနေပဲ အကောင့်ဖွင့်ဖွင့် အလုပ်လုပ်ပါတယ် VPN အတွက်ဖွင့်လိုက်လဲ Email ပါသုံးလို့ရပါတယ်။ Multi OS support ပါတယ် Windows, MacOS, iOS, Android, Linux အတွက် အကုန်ရှိပါတယ်။ ပြီးတော့ တစ်ခြား Free VPN တွေလို လိုင်းကျသွားတာ နှေးထားတာမရှိတဲ့အပြင် Data Limit လဲမရှိပါဘူး အခုသုံးကြည့်နေရသလောက်ကတော့ အတော်လေးကို အဆင်ပြေပါတယ်။

ဘာမှသိပ်မတင်ဖြစ်နေတာကြာပြီ 🥺။ iOS အတွက် Google Map မှာ Dark Mode ရပြီလို့ပြောနေကြတာတော့ အတော်လေးကြာနေပါပြီ ကျနော်ကတော့ ဒီနေ့မှသတိထားမိတယ် (ရပြီလို့သတင်းထွက်တုန်းက စမ်းကြည့်ရှာကြည့်သေးတယ် မရဘူး ဒီနေ့မှ သတိရလို့ပြန်ကြည့်မိတာ) လွန်ခဲ့တဲ့ ၂ ရက်က Update ပေးထားတာတွေ့တော့ အဲ့ Update မှာပါလာတာလို့ထင်တာပဲ။ ကြည့်နေကျမဟုတ်လို့လားမသိဘူး တမျိုးကြီးပဲ 😅။ ထုံးစံအတိုင်းပဲ Dark Mode မရတဲ့ iOS ဗားရှင်းအနိမ့် တွေမှာဆိုရင်တော့ ပါလာမှမဟုတ်ပါဘူး ဆိုတော့ Dark Mode သုံးဖို့ အတွက် iOS 13 အနိမ့်ဆုံးလိုပါတယ်။ ဖွင့်နည်းက ဘာမှမခက်ပါဘူး Google Map Setting ထဲကိုသွားပြီး Dark Mode ON ပေး (ဒါက Map တစ်ခုတည်းကိုပဲ Dark Mode သုံးချင်ရင်) ဒါမှမဟုတ် Same As Device Setting (ဒါကကြတော့ ဖုန်းမှာ Dark Mode ထားရင်လိုက်ပြောင်းပေးမှာ) ဆိုတာရွေးပေးလိုက်ရင်ရပါပြီ။ ပုံလေးတွေလဲတင်ပေးထားပါတယ် ကြည့်ကြည့်လိုက်ကြပါ။ 

လွန်ခဲ့တဲ့ ၂ ရက်က Update (ဆိုတော့ 18/08/2021 ကတည်းကရနေတာဖြစ်နိုင်တယ်)

Setting ထဲကိုဝင်ပါ (အဲ့ဒါပေါ်အောင်က ကိုယ့် Profile ကိုထိလိုက်ပါ)

သိသာပါတယ် Dark Mode ထဲထပ်ဝင်ပါ

Highlight ပြထားတဲ့အထဲက ၁ ခုကိုရွေးပေးပါ

ဒါကတော့ Dark Mode နဲ့မြင်ရတဲ့ပုံပါ