iOS 8 နဲ့နောက်ပိုင်း iOS version တွေမှာ ယူနီကုဒ်သွင်းဖို့ သုံးဖို့က အတော်ကိုလွယ်သွားပါပြီ apple store ကနေ MyFont app ကို Download လုပ်ပြီး app ထဲက ယူနီကုဒ်ဖောင့် တခုခုကို install လုပ်ပြီးရင်ရပါပြီ

သတိပြုစရာကတော့ ဇော်ဂျီသွင်းထားမိရင်ဖျက်ဖို့လိုအပ်ပါတယ် Setting > General > Profile အောက်မှာသွင်းထာတဲ့ Font Profile ကဝင်သွားမှာပါ

iOS 10 ကနေစပြီးတော့ မြန်မာစာစပါလာပါပြီ Font Profile သွင်းစရာမလိုတော့ပါဘူး ပါလာတဲ့ မြန်မာဖောင့်ဟာ ချို့ယွင်းချက်အနည်းငယ်တော့ရှိပါသေးတယ် ( ယောက်ျား၊ အင်္ဂလိပ် ) တို့လိုစာလုံးတွေကိုရေးရင် အမှားပြနေတဲ့ပြဿနာပါ  မကြာခင်တော့ ဖြေရှင်းပေးမယ်လို့ မျှော်လင့်ရမိပါတယ် 

Update ** iOS 12 မှာအဆင်ပြေသွားပါပြီ တိုင်းရင်သား အက္ခရာတွေတော့မပါသေးပါဘူး

Update **iOS 13 မှာ တိုင်းရင်းသား အက္ခရာတွေပါတဲ့ Font ကိုပြောင်းသုံးလိုက်ပြီဖြစ်တဲ့အတွက် တိုင်းရင်းသားတွေအတွက်လဲအဆင်ပြေသွားပါပြီ

မရေးတတ်ခင်ကတော့ ခက်တယ်လို့ခံစားရပါတယ် အရင်ကရိုက်ခဲ့သလိုမှ မဟုတ်တာကို
သူ့ရဲ့စာရိုက်စနစ်ကရှင်းပါတယ်.....
windows, linux, mac စတဲ့စနစ်တွေမှာပါတဲ့ Keyboard စနစ်က Logical order နည်းပါ သူတို့မှာရိုက်ရင်
ဗျည်း၊ ဗျည်းတွဲး၊ သရ ဆိုတဲ့ အစီအစဉ်နဲ့ရိုက်ရပါတယ်
ဥပမာ 'နေကောင်းလား' ဆိုတဲ့စာစုကိုရိုက်ချင်တယ်ဆိုရင် န+ေ+က+ေ+ာ+င+်+လ+ာ+း 
ဆိုတဲ့ အစီအစဉ်နဲ့ရိုက်ရမှာဖြစ်ပါတယ်
အက္ခရာဆင့်တွေ ရိုက်ချင်ရင် ဝိယာမလို့ခေါ်တဲ့ [ ္ ] (Shift f နေရာမှာရှိတဲ့) ကီးလေးနဲ့ရေးရပါတယ် သူ့ရဲ့သဘောကတော့ အသတ်နဲ့သဘေားတရားချင်းဆင်ပါတယ်

တက္ကသိုလ်= တ+က+္+က+သို+လ်

လို့ရေးရင်ရပါပြီ.....
ဝိယာမက အက္ခရာဆင့်တွေတင်မကပါဘူး ကင်းစီးရေးရင်လဲသုံးပါတယ်

တနင်္လာ = တ+န+င်+္+လာ

Smart Keyboard တွေနဲ့ရိုက်တာကတော့ပိုလွယ်ပါတယ် မှတ်ထားစရာသိပ်မရှိပါဘူး သဝေထိုးလည်းရှေ့ကရေးလို့ရပါတယ် ငယ်ငယ်ကရေးလာတဲ့ သင်ပုန်းကြီးအတိုင်းပဲရေးရင်ရပါပြီ