Free, Paid or Crack ဘယ်ဟာသုံးသင့်လဲ ဘာတွေကွာလဲ

ကွန်ပျူတာ၊ ဖုန်းတစ်ခုခုကိုယ့်လက်ထဲမှာ ရှိနေပြီဆိုတာနဲ့ app တွေ software တွေသွင်းကြ သုံးကြပါတယ် ဒီနေရာမှာ အခကြေးငွေပေးဝယ်ရတဲ့ app တွေရှိသလို အခမဲ့ပေးသုံးတာတွေလဲရှိပါတယ် တစ်ချို့က အခမဲ့ကိုပဲသုံးတယ် တစ်ချို့က ဝယ်သုံးကြသလို တစ်ချို့က အခပေးတွေကို crack ပြီခိုးသုံးကြပါတယ် ဘယ်ဟာကိုသုံးသင့်လဲ ဘာတွေကွာလဲဆိုတာ ကျနော်နားလည်သလောက် ရှင်းပြထားပါတယ်
အခမဲ့
အခမဲ့ကတော့ရှင်းပါတယ် အခကြေးငွေပေးစရာမလိုပဲ ပေးသုံးတာပါ အခမဲ့ပေးသုံးတဲ့အတွက် တစ်ချို့အရာတွေမှာအဆင်ပြေချင်မှပြေပါမယ် ကြော်ငြာတွေလဲပါလာနိုင်ပါတယ် တစ်ချို့ကတော့ အခမဲ့ပေးသုံးတယ် ဒါပေမယ် ကြော်ငြာမထည့်ပဲ အလှူခံတာမျိုးရှိပါတယ် တတ်နိုင်လို့လှူချင်ရင်လှူ မလှူနိုင်လဲ အခမဲ့ပေးသုံးပါတယ် ( ဥပမာ- LibreOffice, Ubuntu OS ) တစ်ချို့က အခမဲ့နဲ့ အခပေး ၂ မျိုးထုတ်တတ်ကြပါတယ် အခပေးမှာပိုစုံတယ် ပိုကောင်းတယ် အခမဲ့မှာတော့ ကန့်သတ်ချက်တစ်ချို့ပါပြီး တစ်ချို့တွေကကြော်ငြာတွေထည့်ပါတယ် ( ဥပမာ- free google services နဲ့ google suite အတော်လေးကွာပါတယ် )
အခပေး
အခပေးကလဲရှင်းပါတယ် ရောင်းတာပါပဲ Software or app ကိုရောင်းစားတာပါ ကောင်းအောင်လုပ်တယ်ပြုပြင်ပေးထားတယ် အဲ့အတွက်ရောင်းတယ် ဘာကြော်ငြာမှမထည့်ထားဘူး ( ဥပမာ- Microsoft Office, Windows OS, Adobe Products, )

Crack
Crack ကတော့ အခပေးနဲ့သုံးရတဲ့ Software or app တွေကို အခကြေးငွေမပေးပဲသုံးလို့ရေအောင်လုပ်ပြီး သုံးကြတာပါပဲ မြန်မာပြည်ကလူတွေဆိုရင် ကွန်ပျူတာသုံးဖူးတဲ့သူတိုင်း Crack သုံးဖူးပါတယ် Windows OS, MS Office, Adobe Products တွေ ပြီးရင်တစ်ခြားအခပေးတွေ အကုန် Crack ပြီးပဲသုံးနေကြတာပါ ပိုက်ဆံပေးစရာမလို့ဘူး ခွေဝယ်ရင်တော့ ခွေဖိုးလောက်တော့ကုန်မှာပေါ့လေ 😂😂

ဒီသုံးခုထဲက ဘာကိုသုံးသင့်လဲဆိုရင်တော့ အကောင်းဆုံးကတော့ ဝယ်သုံးလိုဖြေရမှာပါပဲ ဝယ်မသုံးနိုင်ရင်တော့ အခမဲ့မှာရှိရင် အခမဲ့ကိုသုံးပါ ဥပမာ- MS Office ဆိုရင် ကျနော်တို့သုံးနေတာ စာစီစာရိုက်တာပဲသုံးနေတာပါ သူမှာပါတဲ့တစ်ခြားဖန်ရှင်တွေကိုဘယ်သူမှမသုံးကြပါဘူး စာစီစာရိုက်ဖို့ပဲဆိုရင် LibreOffice လဲအဆင်ပြေပါတယ် အခမဲ့လဲရတယ် မြန်မာစာကိုထောက်ပံ့မှူကလဲ MS Office ထက်ပိုမြန်ပါတယ် ပုံစံပိုင်းမှာလဲ ဘာမှထူးပြီး ကွာမသွားပါဘူး MS Office ရဲ့ file format တွေကိုလဲထောက်ပံ့တဲ့အတွက် အရင်ရိုက်ဖူးတာတွေကိုဖွင့်လို့ဖတ်လို့ရပါတယ် crack ကတော့မဖြစ်မနေသုံးဖို့လိုမှသုံးသင့်ပါတယ် crack software အများစုမှာ ကွန်ပျူတာ (သို့) ဖုန်းရဲ့ စနစ်ကိုတိုက်ခိုက်နိုင်တဲ့ Code တွေပါနိုင်ပါတယ် အခန့်မသင့်ရင် ကွန်ပျူတာမှာ virus ဝင်တာမျိုး ဖုန်းမှာဆိုရင် ကြော်ငြာတွေအလိုလိုတက်နေတာမျိုးတွေဖြစ်လာနိုင်ပါတယ် crack software or app ကိုသုံးခဲ့လိုပြဿနာတစ်ခုခုဖြစ်ခဲ့ရင်တော့ As your own risk ပါပဲလို့ပြောပါရစေ (ကျနော်လဲဝယ်မသုံးပဲ crack သုံးနေတာတွေရှိတာပါပဲ crack သုံးရတဲ့ အသိသာဆုံးမကောင်းတဲ့အချက်က သုံးရင်အဆင်မပြေဖြစ်ရင် ဘာအကူအညီမှတောင်မရတာ နည်းပညာအထောက်အပံတိုက်ရိုက်မရတာတွေပါပဲ ) အခုနောက်ပိုင်း နည်းပညာကုမ္ပဏီတွေကလဲ Cloud Base လုပ်ဖို့ကြိုးစားနေကြတယ် တစ်ချို့ဆိုရင်ရောက်နေပြီဖြစ်တဲ့အတွက်နောင်တစ်ချိန်မှာ crack လုပ်ပြီးသုံးလို့ရဖို့ကတော့ ဖြစ်နိုင်ခြေအတော်နည်းသွားပြီလို့ထင်ပါတယ်